Profesa Msofe Avutiwa Na Miradi Ya REA Apongeza Juhudi Za Kusogeza Nishati Kwa Wananchi

Na Lucy Lyatuu,Tanga

NAIBU Katibu Mkuu wa Wizara ya Kilimo, Prof. Peter Msofe, amepongeza jitihada za Wakala wa Nishati Vijijini (REA) katika utekelezaji wa miradi mbalimbali ya nishati inayolenga kuboresha maisha ya wananchi na kuchochea maendeleo ya kiuchumi.

Profesa  Msofe ametoa pongezi hizo alipotembelea Banda la REA katika Maadhimisho ya Kitaifa ya Siku ya Chakula Duniani yanayofanyika katika Viwanja vya Usagara, Tanga Mjini.

Akiwa bandani hapo, amepatiwa maelezo kuhusu miradi mbalimbali inayotekelezwa na REA, ikiwemo usambazaji wa umeme vijijini na uhamasishaji wa matumizi ya nishati safi ya kupikia.

REA inaendelea kutumia maadhimisho hayo kutoa elimu kwa wananchi kuhusu miradi na fursa za nishati, huku ikihamasisha matumizi ya nishati katika kuongeza tija ya uzalishaji, kukuza uchumi na kuboresha maisha ya wananchi.

Aidha, REA inawakaribisha wananchi na wadau mbalimbali kutembelea banda lake ili kujifunza kuhusu huduma, miradi na fursa zinazopatikana katika sekta ya nishati vijijini.

Hata hivyo alijionesha shughuli mbalimbali za kuimarisha usalama wa chakula na lishe katika mabanda aliyotembelea katika viwanja hivyo vya Usagara.