Mbunifu Alilia Uwepo Wa Miongozo Kwa Wagunduzi

Na Lucy Ngowi

DAR ES SALAAM: SERIKALI imeshauriwa kuangalia namna ya kuwepo kwa miongozo kwa ajili ya wagunduzi wa teknolojia mbalimbali.

Ushauri huo umetolewa na Mbunifu Ernest Maranya  kutoka Taasisi ya Elimu ya Mafunzo ya Ufundi  Stadi nchini (VETA),  wakati wa kongamano la  Kisayansi linalofanyika jijini Das Salaam lililoandaliwa na Tume ya Sayansi na Teknolojia (COSTECH),.

Amesema ili kuhakikisha wagunduzi na wabunifu wanaeleweka kisheria kuna kila sababu ya wadau wa elimu kuhakikisha inakuwa na muongozo kwa ajili ya wabunifu.

Kwa upande mwingine, Maranya amebuni kifaa kinachotoa elimu ya anga kwa kusema kuwa  ipo haja kwa Serikali kuangalia namna ya kuharakisha elimu ya anga kwa kutumia mfumo unaofanya kazi zaidi ambao utatumika shule zote.

Ameiomba serikali na wadau wa elimu nchini kumuunga mkono katika kufanikisha ubunifu anaoufanya.

Amesema pamoja na kugundua mfumo huo bado haujaanza kutumika mashuleni.