Na Lucy Lyatuu,Tanga
MAMLAKA ya Afya ya Mimea na Viuatilifu (TPHPA) imeendelea kutoa elimu kwa wakulima kuhusu matumizi sahihi ya viuatilifu na kushauri kuwa wanawake wakulima wasitumie viuatilifu kutokana na athari zinazoweza kufika hadi kwa mtoto.
Hayo yamesemwa na Mapulish Hebel kutoka Kitengo cha Teknolojia za Vinyunyizi vya Viuatilifu cha TPHPA wakati akizungumza na wakulima wa mbogamboga mkoani Tanga katika maadhimisho ya siku chakula duniani yanayofanyika kayika viwanja vya Usagada.
Amesema haishauriwi wanawake kutumia viuatilifu kwa kuwa iwapo ataathirika upo uwezekano wa kumuathiri mtoto ambaye hajazaliwa ambapo mtoto atakuwa na shida hata kabla ya kuzaliwa.
Amesema pia wakati wa kunyonyesha mtoto anaweza kupata shida na kutahadharisha kuwa makini na athari za viuatilifu kwa.matumizi yasiyo sahihi kwani yana uwezekano wa kuathiri ogani za ndani kama figo na ini.
“Mwanamke usijiangalie kuwa huzai au umemaliza bali tambua matumizi sahihi na kwa wakati sahihi,”amesema na kuongeza kuwa zipo namna mbalimbali za kumsaidia aliyeathirika na matumizi yasiyo sahihi ya viuatilifu.
Kuhusu namna ya kumsaidia aliyeathirika na viuatilifu alisema jambo la kwanza mkulima anapaswa kuangalia kibandiko kinasemaje namkujua iwapo kiuatalifu kimeingia mwilini kwa njia gani iwapo ni mdomo,pua ama kwa njia ya ngozi.
“Huduma ya kwanza kwa mhusika asitapishwe wala kupewa.maziwa kwankuwa viuatalifu vyenye asili ya mafuta hukimbilia kwenye sehemu yenye mafuta mwilini hivyo inashauriwa kukoroga unga wa mkaa kijiko kimoja cha kula na kuchanganya na maji kisha kunywa,” amesema.
Amesema pia mhusika anaweza kupewa mafuta ya nazi kwa kunywa katika maji ya moto,kutumia vitunguu swaumu ama kunywa ute mweupe wa yai.
Kwa upande wake Ofisa Kilimo wa TPHA, Saumu Mwesango amesema Mamlaka hiyo imekutana na wakulima kupeana uzoefu wa namna ya kutambua wadudu na wagonjwa kwenye mazao yao hasa ya mbogamboga.
Kadhalika alisema TPHA inawafundisha wakulima kujua teknolojia mbalimbali za mabomba namna ya kuyatumia,sifa zake,kiuatilifu anachotakiwa kutumia kulingana na aina ya wadudu ama magonjwa ta mimea.
i
Maoni 0
Hakuna maoni bado. Kuwa wa kwanza kutoa maoni!