Na Lucy Lyatuu,Tanga
WAKALA wa Taifa wa Hifadhi Ya Chakula (NFRA) inaelimisha jamii mbinu mbalimbali za uhifadhi wa chakula ili wakulima waweze kutunza chakula kwa njia zilizo bora pamoja na kukabiliana na mvua za Elnino.
Ofisa Kilimo kuyoka NFRA Mathay Hhando amesema hayo katika siku ya chakula duniani inayoadhimishwa mkoani Tanga katika viwanja vya Usagara.
Amesema NFRA inawafundisha wakulima kuhifadhi chakula kwa mbinu bora ili kisiharibike na kuwa salama kwa matumizi.
Amesema mkulima anaweza kuhifadhi chakula kwenye mifuko maalum lakini sharti isiwekwe kugusana na sakafu ama ukuta wa nyumba kuepusha unyevunyevu pamoja na wadudu kama panya ,jambo litakalowezesha nafaka kukaa kwa muda mrefu huku akiepuka pia kutumia viuatilifu kuhifadhi mazao.
“Matumizi ya viuatilifu ni gharama na kwa kutumia njia ya asili mkulima anaweza pia kuhifadhi mazao katika kihenge cha bati maalum pale ambapo mazao yanakuwa yamekauka,” amesema.
Akizungumzia matumizi ya chumvi na chupa katika kutambua kama nafaka imekauka amesema mkulima ataweka robo ya mazao hayo kwenye chupa ya plastiki ambayo ni kavu na kuchanganya na vijiko viwili vya chumvi na kutikisa.
Amesema baada ya hagua hiyo anaiweka chupa hiyo kwenye kivuli na baada ya dakika tano kama chumvi ndani ya chupa itaonesha kuyeyuka ni wazi kuwa mazao hayajakauka ipasavyo.
Amesema iwapo chumvi haitoyeyuka na kubakia kama ilivyo basi mazao hayo yanakuwanyamekauka na yanahitaji kuhifadhiwa.
“Zipo njia nyingine za kujua kama mazao yamekauka ikiwa ni pamoja na kung’ata punje,kusikiliza mlio wa mazao kwa kumimina kwenye vyombo,” amesema na kuongeza kuwa njia nyingine ya kisasa ninkutumia mashine maalum yankupima unyevu kwenye mazao.
Maoni 0
Hakuna maoni bado. Kuwa wa kwanza kutoa maoni!