Na Penny Yohana
Naibu Waziri wa Ardhi, Nyumba na Maendeleo ya Makazi,Geophrey Mizengo Pinda ameshiriki mazishi ya kuuanga Mwili wa marehemu Jaji Kipenka Msemembo Mussa ambaye alikuwa Jaji Msataafu wa Mahakama kuu ya Tanzania na aliyewahi kushika Nyadhifa mbalimbali Serikalini enzi za Uhai wake ikiwemo Katibu Wa Bunge.
Hafla ya Mazishi yamefanyika leo Tarehe 06 November 2024 katika Kijiji cha Kinampanda Kilichopo katika wilaya ya Iramba Mkoani Singida
Pinda ameshiriki Mazishi hayo akimwakilisha Waziri wa Fedha na Mbunge wa Jimbo la Iramba Magharibi Mhe. Dkt. Mwigulu Nchemba ambaye ameeleza kwa masikitiko juu ya kuondokewa na Marehemu. Jaji Kipenka Msemembo Mussa.
Mazishi hayo yametanguliwa na Ibada ya kuaga mwili wa marehemu iliyofanyika nyumbani kwa Marehemu Wilayani Kinampanda na kuongozwa na Askofu wa KKKT Dayosisi ya Kati, Dk. Cyprian Hilinti
Akitoa salamu za rambirambi, Naibu Waziri Pinda amesema kuwa Waziri wa Fedha Dkt. Mwigulu Nchemba pamoja na Serikali nzima wanaungana na familia katika kipindi hiki kigumu cha majonzi.
Pinda amesema marehemu Jaji Kipenka alikuwa kiungo muhimu cha Maendeleo kwa Wananchi wa Kinampanda enzi za uhai wake alikuwa akishirikiana vema na Dkt Mwigulu katika Shughuli mbalimbali za Maendeleo.
“Nimesimama hapa kwa niaba ya mhe. Mwigulu ambaye anatoa pole nyingi sana kwa familia na ameindokewa kwa maelezo yake na mtu muhimu ambaye kilikuwa Kiungo cha Maendeleo cha Kinampanda”. Amesema Pinda
Aidha Pinda ametoa wito kwa familia ya Jaji Kipenka hasa watoto wa marehemu kuacha kugombania mali zilizokuwa zinamilikiwa na Marehemu Jaji Kipenka kwani Kifanya hivyo kutawaingiza matatizoni zaidi.
“Kikubwa kwenye familia mtulie wakati wa pito hilo katika kukusanya mali za marehemu”, Amesema Pinda
“Nimeona baba ana watoto wanne lakini watoto kokote waliko wasisahau Mwenza wa Marehemu Jaji Kipenka yupo hai”. Amesema Pinda
Marehemu Jaji Kipenka Msemembo Mussa alizaliwa tarehe 28, Desemba 1954 ambapo aliugua kwa muda kabla ya kufariki tarehe 2 November 2024.
