Singida Yapokea Zaidi Ya Milioni  Moja 

Na Danson Kaijage.

MKUU wa  Mkoa Singida, Halima Dendegu  amesema katika kipindi cha miaka minne mkoa wa Singida umepokea kiasi cha Sh. Trilion 1.72 kutoka serikali kuu,Mapato ya ndani na wadau wa maendeleo kwa ajili ya kugharamia miradi mbalimbali katika mkoa huo.

“Pato la Mkoa limeongezeka kutoka Sh. 2.709 Trilioni mwaka 2020/21 hadi Sh. Trilioni 3.398 mwaka 2024/25,wastani wa pato la mwananchi mmoja mmoja umeongezeka kutoka Tshs. 1,588,604.66 (2020/21) hadi Tshs. 1,710,562.00 mwaka 2024/25.

“Mkoa wa Singida kwa ujumla katika kipindi hiki umepokea  jumla ya Trioni . 1.72 toka Serikali kuu, Mapato ya ndani na wadau wa maendeleo kwa ajili ya kugharamia shughuli za uendeshaji na utekelezaji wa miradi mbalimbali ,Fedha zilizotoka Serikali kuu zikiwa  Trioni 1.055,”amesema.

Aidha amesema katika kipindi hicho makusanyo ya ‘TRA’ yameongezeka kutoka shilingi Bilioni 11.9 mwaka 2021/22 hadi shilingi Bilioni  30 mwaka 2024/25 sawa na ongezeko la 152%  huku makusanyo ya mapato ya ndani  yakiongezeka kutoka shilingi Bilioni 14.6 mwaka  2020/21 hadi shilingi Bilioni  24.8 mwaka 2024/25 sawa na  ongezeko la 69.8%.

Katika hatua nyingine Mkuu huyo amesema vituo vya kutolea huduma za Afya kuanzia ngazi ya Zahanati hadi Hospitali vimeongezeka kutoka vituo 203 mwaka 2020/21 haid vituo 302 mwaka 2024/25  huku Shule mpya za msingi 142,shule mpya za sekondari  40 ,shule mpya 7 za amali na vyuo  vinne vya VETA vinajengwa katika kipindi cha miaka minne.

“Takribani Bilion 48 zimetumika kutoa elimu bila malipo utoaji wa vyakula mashuleni umefikia 95% Kupungua kwa utoro uimarishaji wa vyuo (Chuo cha utumishi wa umma na uhasibu) na sekta ya afya tumeongeza Zahanati kutoka 173  hadi 246,Vituo vya Afya vimeongezeka kutoka 25 hadi  42 na ujenzi wa Hospitali za Wilaya mpya 5 na ukarabati mkubwa 3,”amesema